5習慣導致脫髮你中咗幾多個？

除咗遺傳性脫髮，日常生活習慣不當，亦會引致脫髮問題，以下幾個容易引起脫髮嘅習慣，你中咗幾多個？

1.直接塗抹洗頭水

洗頭時直接將洗頭水塗抹落頭皮，因為洗頭水成份濃縮，直接塗抹頭皮會對頭皮造成刺激，更會傷害毛囊，正確做法應該先加水令洗頭水起泡，再將泡沫塗在頭皮及頭髮上，才能發揮最大功效。

2.頭髮未乾就瞓

頭髮未乾就瞓，寒濕容易滯留體內，長期更會引起肩頸痛、頭痛、頭暈等不適，而且更會令枕頭滋生細菌，容易出現頭瘡或暗瘡等問題。

3.用太熱的水洗頭

用過熱的水洗頭，會對頭皮造成刺激，洗去過多油脂，反而令頭皮更易出油，令頭皮油水分泌失衡，髮絲亦會變得乾燥缺乏光澤。

4.頭髮未乾就梳

雖然梳頭有利頭髮健康，但如果濕髮時梳頭，容易過份拉扯頭髮，令斷髮機會大增，其實洗髮前梳頭有助先去除頭髮頭皮上的灰塵，更是清潔的第一步，亦可以減少洗髮時打結的情況。

5.洗頭次數太多

夏天流汗多，或喜歡運動的人士，可能一天會洗超過一次頭，但過份清潔會令頭部皮膚乾燥甚至過敏。